SIPAI THUTHLUNG

 SIPAI THUTHLUNG

ISUA KRISTA chu ka Lalpa leh Chhandamtu atan ka pawm ta a, Chhandamna Sipai Pawla sipaiah tangin, he leia a Kohhran mi leh sa dik tak nih ka duh ve ta a, tunah hian, Pathian khawngaihnain a thuthlung thianghlimah ka intulut ve ta a ni.

Pathian thu, thudik, Chhandamna Sipai Pawl thurin sawm leh pakhatten an puanchhuah hi ka ring a, chumi ang zel chuan ka nung ang.

CHHANDAMNA SIPAI PAWL THURINTE CHU

1.     Pathian Lehkhabu, Thuthlung hlui leh Thuthlung thar hi. Pathian thâwkkhuma pêk a ni tih kan ring a. Amah chauhvah hian Pathian dân, Kristiante rin leh tihtur chu a chuang a ni tih kan ring.

 

2.     Pathian Thianghlim famkim thil zawng zawng Siamtu, Vawngtu leh Awptu chu pakhat chauh a awm a, Amah chauh chu Pathiana biak tur a ni tih kan ring.

 

3.     Pathianah chuan mi pathum an awm, Pa leh Fapa leh Thlarau Thianghlim chu. An zain pakhata nung an ni a, ropuina leh thil tihtheihnaah an thuhmun vek a ni tih kan ring.

 

4.     Isua Kristaah chuan Pathian leh mihring an awm kawp a, chuvangin, Amah chu Pathian tak a ni a, mihring tak a ni bawk tih kan ring.

 

5.     Kan nu leh pa hmasate chu a tirin thianghlima siam an ni tih kan ring a, an thu awihlohna avangin an thianhlimna leh an hlimna chu an hloh ta a. An tlũkna avang chuan mi zawng zawng mi sual, chhe zo vek kan lo ni ta a. Pathian thin tiur tur rêng pawh kan lo ni tih kan ring.

 

6.     A duh apiangten chhandamna an neih thiehna turin, Lalpa Isua Krista chuan A tuarna leh a thihnain, khawvêl pum tan tlanna a siam ta tih kan ring.

 

7.     Chhandama awm turin kan Lalpa Isua Krista ring a, Pathian ngaiha sual sim leh, Thlarau Thianghlim siamthara awm a mamawh tih kan ring.

 

8.     Kan Lalpa Isua Krista rinna azârah khawngaihna a thiam chantîrin kan awm a, a ring apiang chuan; Amah hriatpuina chu amahah a nei a ni tih kan ring.

 

9.     Chhandama awm rengna chu Krista ringa A thu zawm reng hi a ni tih kan ring.

 

10.                        Ringtu zawng zawngte vanneih bîkna chu, an puma tihthianghlima awm theihna hi a ni tih kan ring a. An thlarau leh an rilru leh an taksa chu, kan Lalpa Isua Krista lo kal leh hun thlengin, sawisêl bovin, a puma humhimin a awm thei tih kan ring.

 

11.                        Thlarau chu thi thei lo a ni tih kan ring a; Taksa thawhlehna te; Khawvel tâwpa rorelpuinate; mi felte chatuana hlimna te leh misualte chatuan hremna te chu an awm tih kan ring.

Thlarau Thianghlim hnathawh zui chung zelin ka nun min hruaina chu zawmin, Pathian biakna, tawngtaina, rawngbawlnate hmangin leh Pathian Lehkhabu chhiarin khawngaihnaah ka thanglian zel ang.

Ka nun hruaitu leh tehna atan chuan khawvel thil hlutna ni lovin, Pathian ram hlutna ka hmang zawk ang.

Ka nun kawng tinrengah Kristian nun zahawmna chu chelh tlatin, ka ngaihtuahna leh thusawi leh thiltih tinrengah thil tlaktlai lo leh thianghlim lo te, thil dik lo leh thil bawlhhlawh te, rinawm lohna leh taksa hman khawlohna chi reng reng chu ka phal lo ang.

Mi dangte nena kan inzawmna tinrengah pawh ka chhungte leh thenawm te, ka thawhpuite leh ka sipai puite, ka laka mawhphurtu te leh, an laka mawh ka phurnate leh vantlang zingah pawh, Kristian nun dan tur tak chu ka nunpui zel ang.

Inneihna thianghlim leh chhungkaw nun thianghlim chu chawisangin, ka vawng tlat ang.

Pathian hmaah chanchin la sawi tur ka nih hre rengin, ka hun leh ka theihna te, sum leh pail eh ka thil neih te, ka rilru leh ka thlarau te, rinawm taka vawngihimtu ka ni ang.

Zu in te, vaihlo hmanna te, dawmdawi atana hman ni si lova damdawi ruih hlo, ngaihtheih chi hmanna te, pawisa khelhna te, lehkhabu thianghlim lo chhiar te leh a lem enna te, ramhuai thlarau betu rawnnate leh thildang taksa emaw, thlarau emaw bawih thei chi reng reng lak atangin ka fihlim ang.

Pathianin chhandamna Sipai Pawl a dinchhuah chhan, a thil tum berah chuan ka rinawm ang a, Isua Krista chanchi chu mi dangte hrilhin, a tan a mi dangte hneh turin ka theihtawpin ka bei ang. Ama hmingin, tanpui ngaite leh mi vanduaite ka ngaihsakin, ka tanpui ang.

Corps rawngbawlna tinrengah, hnathawhnaah te, Pathian biak inkhawmnaah te, Chanchin tha puanna leh hriatpuinaahte ka theih ang tawkin ka tel ve thin ang a, a rawnbawlna tur leh khawvel puma Sipai pawl hathawhna atan ka sum lakluh atangin ka theih anga tam ka pe thin ang.

Sipai pawl zirtirna dan tlangpui leh a inkhaihhruaina danah ka rinawm tlat ang a. A hruaitute lakah ka rinawm ang a, a nuamah emaw a hrehawmah pawh Sipai thlarau dik tak chu ka nunpui zel ang.

Tunah hian Krista min chhandam tura thi a, nung leh hmangaihna chuan khawvel pum chhandamna tura a rawngbawl hnaah ka nun hlan hi a duh a ni tih hriain, Pathian tanpuinain Chhandamna Sipai Pawla sipai dik tak nih ka tum nghet tlat a ni tih ka puang e. Keima duhna ngeiin, he Thuthlungah hian lutin, Sipai Thuthlungah hian ka hming ka ziak a ni tih min hriatpui turin heta awm zawng zawng hi ka sawm e.